ಬೇಹುಗಾರಿಕಾ ಬಂಡವಾಳಶಾಹಿಗಳು (Surveillance capitalists) ಹೇಗೆ ವಿಜ್ಞಾನ , ವಿಜ್ಞಾನಿಗಳು, ರಹಸ್ಯಗಳು ಮತ್ತು ನಿಜವನ್ನು ನಿಯಂತ್ರಿಸುತ್ತಾರೆ ಎಂಬುದರ ಕುರಿತು ಈ ಲೇಖನ ಬೆಳಕು ಚೆಲ್ಲುತ್ತದೆ.
ಈ ಲೇಖನದ ಮೊದಲ ಭಾಗವನ್ನು ಇಲ್ಲಿ ಓದಿ : https://ruthumana.com/2020/04/13/you-are-now-remotely-controlled-part-1/
ಬೇಹುಗಾರಿಕಾ ಬಂಡವಾಳ ವ್ಯವಸ್ಥೆಯ ಆರ್ಥಿಕ ಯಶಸ್ಸು , ಎಷ್ಟರ ಮಟ್ಟಿಗೆ ಖಾತ್ರಿಯಾಗಿ ಭವಿಷ್ಯವನ್ನು ಅಂದಾಜಿಸುತ್ತದೆ ಎನ್ನುವುದರ ಮೇಲೆ ಅವಲಂಬಿತವಾಗಿದೆ . ಮೊದ ಮೊದಲು ಈ ಯಾಂತ್ರಿಕ ಬುದ್ಧಿ ಶಕ್ತಿಗೆ ಅಪಾರ ಪ್ರಮಾಣದ ಅಂಕಿ ಅಂಶಗಳು ಅಗತ್ಯವಾಗಿತ್ತು . ಆದರೆ ತದನಂತರ ಅಂಕಿಅಂಶಗಳ ಪ್ರಮಾಣದಷ್ಟೇ ಮುಖ್ಯವಾಗಿ , ವಿಭಿನ್ನ ರೀತಿಯ ಅಂಕಿ ಅಂಶಗಳು ಕೂಡ ಅತ್ಯುತ್ತಮ ಸಾಫ್ಟ್ ವೆರಿಗೆ ಬೇಕು ಎಂದು ಅರಿವಾಯಿತು . ಈ ಹೊಸ ಹೊಳಹಿನಿಂದ ಶುರುವಾಗಿದ್ದೇ “mobile ಕ್ರಾಂತಿ “. ಬಳಕೆದಾರರು ತಮ್ಮ ಜತೆ ಕ್ಯಾಮೆರಾ , ಕಂಪ್ಯೂಟರ್ಸ್ , ಮೈಕ್ರೋಫೋನ್ ಎಲ್ಲವನ್ನು ತಮ್ಮ ಮೊಬೈಲ್ ನೊಳಗೆ ತೆಗೆದುಕೊಂಡು ಹೋಗುವ ಹಾಗೆ ಮಾಡಲಾಯಿತು . ಈ ಅತ್ಯಂತ ಹೆಚ್ಚು ಸ್ಪರ್ಧೆಯಿರುವ ಕ್ಷೇತ್ರದಲ್ಲಿ , ಅವರಿಗೆ ನೀವು ನಿಮ್ಮ ಮನೆಗಳಲ್ಲಿ ಗೋಡೆಗಳ ಮಧ್ಯೆ ಏನು ಮಾತನಾಡುತ್ತಿದ್ದೀರಿ ಎಂದು ತಿಳಿಯಬೇಕಿತ್ತು . ನಿಮ್ಮ ಕಾರ್ ಯಾವುದು , ನಿಮ್ಮ ಆರೋಗ್ಯದ ಸ್ಥಿತಿಯೇನು, ನೀವು ನೋಡುವ ಮನರಂಜನಾ ಕಾರ್ಯಕ್ರಮಗಳು ; ನಿಮ್ಮ ವಾಸ ಸ್ಥಳ , ನೀವು ಸಂಚರಿಸುವ ರಸ್ತೆ , ಹಾದು ಹೋಗುವ ಕಟ್ಟಡಗಳು ಮತ್ತು ನಿಮ್ಮ ನಗರದ ಜನರೆಲ್ಲರ ನಡಾವಳಿ ಎಲ್ಲವೂ ಬೇಕು . ಅವರಿಗೆ ನಿಮ್ಮ ಧ್ವನಿ ಬೇಕು , ನೀವು ಏನು ತಿನ್ನುತ್ತೀರಿ , ಏನು ಖರೀದಿಸುತ್ತೀರಿ ಲ ನಿಮ್ಮ ಮಕ್ಕಳ ಆಟದ ಸಮಯ , ಅವರ ಶಾಲೆಯ ವಿವರ ; ನಿಮ್ಮ ಮೆದುಳಿನ ತರಂಗಗಳು ಮತ್ತು ನಿಮ್ಮ ರಕ್ತದ ಹರಿವು ಎಲ್ಲವೂ ಬೇಕು. ಯಾವುದೂ ಇದರಿಂದ ಹೊರತಾಗಿಲ್ಲ
ನಮ್ಮ ಬಗ್ಗೆ ಹೊಂದಿರುವ ಅನಿಯಂತ್ರಿತ ಮಾಹಿತಿಯಿಂದ ಅನಿಯಂತ್ರಿತ ಅಧಿಕಾರ ನಮ್ಮ ಮೇಲೆ ಅವರಿಗೆ ಸಿಗುತ್ತದೆ , ಮತ್ತು ಈ ಮಾಹಿತಿ ಅಸಮಾನತೆಯಿಂದ ನಾವು ಮಾಡ ಬಹುದಾದ ವಿಷಯಗಳ ಮತ್ತು ನಮಗೆ ಅವರು ಮಾಡಬಹುದಾದ ವಿಷಯಗಳ ನಡುವಿನ ಅಂತರ ಹೆಚ್ಚಾಗುತ್ತದೆ . ಮಾಹಿತಿ ವಿಜ್ಞಾನಿಗಳು ಇದನ್ನು ಪರಿವೀಕ್ಷಣೆಯಿಂದ ವರ್ತನೆಯ ಕಡೆಗೆ ಸ್ಥಿತ್ಯಂತರ ಎಂದು ಕರೆಯುತ್ತಾರೆ , ಈ ಸ್ಥಿತಿಯಲ್ಲಿ , ಅಪಾರ ಪ್ರಮಾಣದಲ್ಲಿ ಸಂಗ್ರಹವಾಗಿರುವ ನಮ್ಮ ಬಗೆಗಿನ ಅಂಕಿ ಅಂಶಗಳು , ನಮ್ಮನ್ನು ರಿಮೋಟ್ ಕಂಟ್ರೋಲಿನ ಹಾಗೆ ನಿಯಂತ್ರಿಸಲು ಸಾಧ್ಯವಾಗುವ ಸ್ಥಿತಿ ಉಂಟುಮಾಡುತ್ತದೆ . ಈಗ ಜನರು ಇಂತಹ ರಿಮೋಟ್ ಕಂಟ್ರೋಲ್ ನ ಹಿಡಿತಕ್ಕೆ ಸಿಕ್ಕಿದ್ದಾರೆ , ಹೇಗೆಂದರೆ ನಮ್ಮ ಭವಿಷ್ಯದ ನಡೆಯನ್ನು ಕರಾರುವಕ್ಕಾಗಿ ಅಂದಾಜು ಮಾಡಲು ಸಾಧ್ಯವಾಗಬೇಕೆಂದರೆ , ನಮ್ಮ ದೈನಂದಿನ ನಡಾವಳಿಯನ್ನು ಅವರ ವಾಣಿಜ್ಯದ ಅಗತ್ಯಕ್ಕೆ ತಕ್ಕಂತೆ ನಿರ್ದೇಶಿಸುವುದು ಅತ್ಯಂತ ಪರಿಣಾಮಕಾರಿ ವಿಧಾನ ಎಂದು ಅರಿತು ಕೊಂಡಿದ್ದಾರೆ . ಮೂರನೇ ಅನಿವಾರ್ಯತೆಯಾದ “economies of action” ನ ಮೇಲೆ ಅತ್ಯಂತ ತೀವ್ರವಾದ ಪ್ರಯೋಗಗಳು ಜಾರಿಯಲ್ಲಿವೆ. “ನಾವು ಸಂಗೀತವನ್ನು ಹೇಗೆ ಬರೆಯಬಹುದು ಎಂದು ಸಂಶೋಧಿಸುತ್ತಿದ್ದೇವೆ ” ಎನ್ನುತ್ತಾರೆ ಒಬ್ಬ ವಿಜ್ಞಾನಿ ” ನಂತರ ನಮ್ಮ ಸಂಗೀತಕ್ಕೆ ಅವರು ಕುಣಿಯುವ ಹಾಗೆ ಮಾಡುತ್ತೇವೆ “
“ಎಲ್ಲರನ್ನು ಕುಣಿಸುವ ” ಈ ಹೊಸ ಶಕ್ತಿ ಬಂದಮೇಲೆ ಯೋಧರನ್ನು ಬಳಸಿ ಭಯ ಉಂಟುಮಾಡುವುದಾಗಲಿ ಕೊಲೆ ಮಾಡುವುದಾಗಲಿ ಅವಶ್ಯಕತೆ ಇಲ್ಲ, ಬದಲಾಗಿ ಅದು ಒಂದು ಕಾಫಿ ಕಪ್ ನ ಜತೆ ಬರುತ್ತದೆ , ಗನ್ ನ ಜತೆಯಲ್ಲ . ಈ ಹೊಸಬಗೆಯ ನಿಯಂತ್ರಕ ಶಕ್ತಿ , ಇಂದು ಸರ್ವಾಂತರ್ಯಾಮಿ ಡಿಜಿಟಲ್ ಉಪಕರಣಗಳ ಮೂಲಕ , ಅಭಿಪ್ರಾಯಗಳನ್ನು ರೂಪಿಸುವುದರ ಮೂಲಕ , ಮಾನಸಿಕವಾಗಿ ಗುರಿಯಾಗಿಸಿಕೊಂಡು , ತಂತಾನೇ ಸ್ವಾಭಾವಿಕ ಆಯ್ಕೆಯಾಗಿ , ಪರಸ್ಪರ ಹೋಲಿಕೆ ಮಾಡಿಕೊಂಡು ಸಂತೋಷ – ದುಃಖಕ್ಕೆ ಈಡಾಗುವ ಮತ್ತು ಪ್ರತಿಫಲಗಳು ಮತ್ತು ಶಿಕ್ಷೆಗಳನ್ನು ನೀಡುತ್ತಾ , ಇವೆಲ್ಲದರ ಮೂಲಕ ತಮ್ಮ ಅಗತ್ಯಕ್ಕೆ ತಕ್ಕಂತೆ ಭಾವನೆಗಳನ್ನು ತಿರುಗಿಸಿಕೊಂಡು , ಮನುಷ್ಯನ ನಡಾವಳಿಗಳನ್ನು ತಮ್ಮ ಲಾಭಕ್ಕಾಗಿ ತಿರುಗಿಸಿಕೊಂಡು , ತಮ್ಮ ಬಳಕೆ ದಾರರನ್ನು ಸದಾ ಕಾಲ ಅಜ್ಞಾನದಲ್ಲಿ ಇಡಲು ಪ್ರಯತ್ನಿಸುವುದು
ಫೇಸ್ಬುಕ್ ನ ಈ ಭವಿಷ್ಯ ಸೂಚಕ ಜ್ಞಾನ , ಜನಾಭಿಪ್ರಾಯವನ್ನು ನಿರೂಪಿಸುವ ಶಕ್ತಿಯಾದದ್ದನ್ನು ಫೇಸ್ಬುಕ್ ೨೦೧೨ ಮತ್ತು ೨೦೧೪ ರಲ್ಲಿ ಪ್ರಕಟಿಸಿದ ಸಾಂಕ್ರಾಮಿಕ ಪ್ರಯೋಗ ದ ವರದಿಯಲ್ಲಿ , ತನ್ನ ಬಳಕೆದಾರರಿಗೆ ಪ್ರಜ್ಞಾಪೂರ್ವಕವಾಗಿ ನೀಡಿದ ಸೂಚನೆಗಳು ಹೇಗೆ ಸಾಮಾಜಿಕ ಅಭಿಪ್ರಾಯಗಳನ್ನು ಬದಲಾಯಿಸಿತು ಮತ್ತು ಮಧ್ಯಂತರ ಚುನಾವಣೆಯ ಮತದಾನದ ಮೇಲೆ ಪರಿಣಾಮ ಬೀರಿತು ಮತ್ತು ಆನಂತರ ಹೇಗೆ ಜನರನ್ನು ದುಃಖಿತರನ್ನಾಗಿ ಮತ್ತು ಸಂತೋಷದಿಂದಿರುವಂತೆ ಮಾಡಿತು ಎನ್ನುವುದು ಧಾಖಲಾಗಿದೆ. ಫೇಸ್ ಬುಕ್ ನ ಸಂಶೋಧಕರು ಈ ಪ್ರಯೋಗದ ಯಶಸ್ಸನ್ನು ಈ ಎರಡು ಕಾರಣ ನೀಡಿ ಸಂಭ್ರಮಿಸಿದರು , ಮೊದಲನೆಯಾದಾಗ , ವಾಸ್ತವ ಜಗತ್ತಿನ ಅಭಿಪ್ರಾಯಗಳನ್ನು ಪ್ರಜ್ಞಾಪೂರ್ವಕ ಸುಳಿವುಗಳನ್ನು ನೀಡುವುದರ ಮೂಲಕ ಬದಲಾಯಿಸಿದ್ದು ಮತ್ತು ಇದನ್ನು ಬಳಕೆದಾರರ ಅರಿವಿಗೆ ಬಾರದ ಹಾಗೆ ಮಾಡಲಾಗಿದ್ದು .
೨೦೧೬ ನೇ ಇಸವಿಯಲ್ಲಿ ಗೂಗಲ್ ಉತ್ಪ್ರೇಕ್ಷಿತ ವಾಸ್ತವದಲ್ಲಿ ನಡೆಯುವ ಪೋಕೆಮೊನ್ ಗೋ ಅನ್ನು ಬಳಸಿ ನಿಜ ಲೋಕದ ರಸ್ತೆಗಳಲ್ಲಿ “economies of action” ಅನ್ನು ಪ್ರಯೋಗಿಸಿತು . ಆಟದ ಬಳಕೆದಾರರಿಗೆ ತಾವು ನಿಜವಾದ ಆಟವೊಂದರ ಒತ್ತೆಯಾಳಾಗಿದ್ದೇವೆ ಮತ್ತು ನಮ್ಮ ನಡಾವಳಿಯನ್ನು ತಮ್ಮ ಲಾಭಕ್ಕೋಸ್ಕರ ಬದಲಾಯಿಸುತ್ತಿದ್ದರೆ , ಮತ್ತು ಕಲ್ಪಿತ ಪ್ರಾಣಿಯೊಂದನ್ನು ಹಿಡಿಯುವ ಆಟದಲ್ಲಿ ಪ್ರತಿಫಲ ಮತ್ತು ಶಿಕ್ಷೆಗಳಾಗಿ ಮ್ಯಾಕ್ ಡೊನಾಲ್ಡ್ , ಸ್ಟಾರ್ ಬಕ್ಸ್ ಮತ್ತು ಪಿಜ್ಜಾ ಅಂಗಡಿಗಳಲ್ಲಿ ಜನ ಒಟ್ಟುಗೂಡು ಮಾಡುವಂತೆ ಮಾಡಿ , ಹಾಗೆ ಒಟ್ಟು ಗೂಡಿಸಿದ್ದಕ್ಕೆ ಆ ಅಂಗಡಿಗಳಿಂದ ಹಣ ಪಾವತಿಯಾಗಿತ್ತು . ಅಂತರ್ಜಾಲವೊಂದರಲ್ಲಿ ಲಿಂಕ್ ಕ್ಲಿಕ್ ಮಾಡುವು ಹಾಗೆಯೇ , ಈ ಪ್ರಯೋಗದಲ್ಲಿ ಜನ ಒಂದು ಅಂಗಡಿಯಲ್ಲಿ ಒಟ್ಟು ಗೂಡುವ ಹಾಗೆ ಮಾಡಲಾಗಿತ್ತು
೨೦೧೭ ರಲ್ಲಿ , ಸುದ್ದಿ ಸೋರಿಕೆಯಾದ ಫೇಸ್ ಬುಕ್ ನ ದಾಖಲೆಯೊಂದು ಆಸ್ಟ್ರೇಲಿಯನ್ ಸಂಸ್ಥೆಯೊಂದಕ್ಕೆ ಸಿಕ್ಕಿ , ಹೇಗೆ ತನ್ನ ಬಳಿ ಇದ್ದ ಬಳಕೆದಾರರ ಮಾಹಿತಿ ಬಳಸಿ ಅವರ ನಡಾವಳಿಯನ್ನು ಬದಲಾಯಿಸಲು ಪ್ರಯೋಗ ನಡೆಸಿತ್ತು ಎಂದು ಹೊರಬಂದಿತ್ತು . ಈ ಪ್ರಯೋಗದ ಗುರಿ ೬ ಕೋಟಿ ಆಸ್ಟ್ರೇಲಿಯಾ ಮತ್ತು ನ್ಯೂ ಝೀ ಲ್ಯಾಂಡ್ ಯುವ ಜನತೆ . “ಅವರ ಪೋಸ್ಟ್ಗಳನ್ನು , ಫೋಟೋಗಳನ್ನು , ಮಾತುಕತೆಗಳನ್ನು ಮತ್ತು ಅಂತರ್ಜಾಲದ ಚಟುವಟಿಕೆಗಳನ್ನು ” ಬಳಸಿ “ಫೇಸ್ಬುಕ್ ಯಾವಾಗ ಆ ಯುವಕರು “ಒತ್ತಡ”ದಲಿದ್ದಾ ರೆ ” ಸಂತೋಷವಾಗಿದ್ದಾ ರೆ , ಆತಂಕಕ್ಕೀಡಾಗಿದ್ದರೆ , ಸೋತು ಹೋಗಿದ್ದಾರೆ , ಗೆಲುವಾಗಿದ್ದರೆ ಎನ್ನುವುದನ್ನು ತಿಳಿದುಕೊಳ್ಳಬಹುದು . ಇಷ್ಟು ವಿವರವಾದ ಮಾಹಿತಿಗಳನ್ನು ಬಳಸಿ , ಆ ಯುವಕರಿಗೆ ಯಾವಾಗ ಆತ್ಮವಿಶ್ವಾಸದ ಅಗತ್ಯ ಇದೆ ಎಂದು ನಿರ್ಧರಿಸಬಹುದು ಮತ್ತು ಯಾವಾಗ ಪ್ರಜ್ಞಾಪೂರ್ವಕ ಸೂಚನೆಗಳನ್ನು ನೀಡಿ ಅವರ ಭಾವನೆಗಳನ್ನು ನಿಯಂತ್ರಿಸಬಹುದು ಎಂದು ತಿಳಿದು ಕೊಳ್ಳಬಹುದಿತ್ತು . ಈ ಮಾಹಿತಿ ಬಳಸಿ ಅವರ ಭಾವನೆಗಳಿಗೆ ತಕ್ಕ ಹಾಗೆ ಜಾಹಿರಾತುಗಳನ್ನು ತೋರಿಸಿದರೆ , ಅವರು ಖಾತರಿಯಾಗಿ ಆ ಪದಾರ್ಥ ಕೊಳ್ಳುವ ಸಾಧ್ಯತೆ ಹೆಚ್ಚಾಗಿಸಬಹುದಿತ್ತು
ಫೇಸ್ಬುಕ್ ಈ ಎಲ್ಲ ನಡವಳಿಕೆಗಳು ತನ್ನದಲ್ಲ ಎಂದು ನಿರಾಕರಿಸಿತು . ಆದರೆ ಆ ಸಂಸ್ಥೆಯ ಮಾಜಿ ಮ್ಯಾನೇಜರ್ ಒಬ್ಬರು ಇದನ್ನು “ಹಸಿ ಹಸಿ ಸುಳ್ಳು ” ಎಂದು ಆಪಾದಿಸಿದ್ದರು . ಯಾವುದೇ ಬಗೆಯ ಪಾರದರ್ಶಕರ್ತೆ ಇಲ್ಲದೆ , ಆಂತರಿಕ ಪ್ರಜಾಪ್ರಭುತ್ವಗಳಿಲ್ಲದೆ, ಈ ಕಂಪೆನಿಗಳಲ್ಲಿ ಮಾಹಿತಿ ಅಸಮಾನತೆ ತಾಂಡವವಾಡುತ್ತಿದೆ . ಇದು ಅವರಿಗೆ ಗೊತ್ತು . ಯಾರಿಗೆ ಗೊತ್ತಿರಬೇಕು ಎಂದು ಅವರೇ ನಿರ್ಧರಿಸುತ್ತಾರೆ . ಯಾರು ನಿರ್ಧರಿಸಬೇಕು ಎನ್ನುವುದನ್ನೂ ಅವರೇ ನಿರ್ಧರಿಸುತ್ತಾರೆ
ಸಾರ್ವಜನಿಕರ ಬಳಿ ಇರುವ ಈ ಮಾಹಿತಿಯ ಕೊರತೆಯ ಪರಿಣಾಮ , ಬೇಹುಗಾರಿಕಾ ಬಂಡವಾಳ ಶಾಹಿಗಳ ಸಾಮೂಹಿಕ ಸಂವಹನದ ಮೇಲಿನ ಹಿಡಿತ ದಿಂದ ಮತ್ತಷ್ಟು ಉಲ್ಬಣಗೊಂಡಿದೆ . ಉದಾಹರಣೆಗೆ , ೨೦೧೯ನೇ ಇಸವಿ ಏಪ್ರಿಲ್ ೩೦ರಂದು ಮಾರ್ಕ್ zuckerberg ಅವನ ಸಂಸ್ಥೆಯ ವಾರ್ಷಿಕ ಸಾಫ್ಟ್ವೇರ್ ಡೆವೆಲಪರ್ ಸಮ್ಮೇಳನದಲ್ಲಿ “ಭವಿಷ್ಯ ನಿಂತಿರುವುದು ಖಾಸಗಿತನದ ಮೇಲೆ ” ಎಂದು ಘೋಷಿಸಿದ. ಕೆಲವು ವಾರಗಳ ನಂತರ , ಫೇಸ್ಬುಕ್ ಮೇಲೆ ತನ್ನ ಖಾಸಗೀ ಬದುಕಿನ ಗೌಪ್ಯತೆಗೆ ಧಕ್ಕೆಯಾಗಿದೆ ಎಂದು ಮೊಕದ್ದಮೆ ಹೂಡಿದ್ದ ಬಳಕೆದಾರನೊಬ್ಬ , ಫೇಸ್ಬುಕ್ ಬಳಕೆ ಮಾಡುವುದೇ ಖಾಸಗೀತನ ಎನ್ನುವುದು “ನ್ಯಾಯವಾಗಿ ” ಬಳಕೆದಾರನ ಹಕ್ಕು ಎನ್ನುವುದನ್ನು ನಿರಾಕರಿಸುತ್ತದೆ , ಎಂದು ತನ್ನ ಆಪಾದನೆಯಲ್ಲಿ ವಾದ ಮಾಡಿದ್ದ . ೨೦೧೯ನೇ ಇಸವಿ ಮೇ ತಿಂಗಳಲ್ಲಿ , ಗೂಗಲ್ ಸಂಸ್ಥೆಯ ಮುಖ್ಯಸ್ಥ ಸುಂದರ್ ಪಿಚ್ಚಯ್ ತನ್ನ ಟೈಮ್ಸ್ ಪತ್ರಿಕೆಯ ಲೇಖನದಲ್ಲಿ ತನ್ನ ಸಂಸ್ಥೆಗೆ “ಖಾಸಗೀತನ ಎನ್ನುವುದು ವಿಲಾಸದ ವಸ್ತುವಲ್ಲ ” ಎನ್ನುವ ಹೇಳಿಕೆಗೆ ಬದ್ಧವಾಗಿದೆ ಎಂದು ಬರೆದಿದ್ದ . ಐದು ತಿಂಗಳ ನಂತರ ಗೂಗಲ್ ಸಂಸ್ಥೆಯ ಗುತ್ತಿಗೆದಾದರರು ಅಟ್ಲಾಂಟ ಪಾರ್ಕಿನಲ್ಲಿದ್ದ ನಿರಾಶ್ರಿತ ಕಪ್ಪು ಜನಾಂಗದವರ ಮುಖ ಚಹರೆ ವಿವರಗಳನ್ನು ಸಂಗ್ರಹಿಸಿ ಪ್ರತಿಯಾಗಿ ೫ ಡಾಲರ್ ಉಡುಗೊರೆ ನೀಡುತ್ತಿದ್ದುದು ವರದಿಯಾಗಿತ್ತು
೨೦೧೮ರಲ್ಲಿ ಸೋರಿಕೆಯಾದ ಮತ್ತೊಂದು ದಾಖಲೆಯ ಪ್ರಕಾರ ಫೇಸ್ಬುಕ್ ತನ್ನ ನಡಾವಳಿಗಳನ್ನು ನಿರಾಕರಿಸುವುದನ್ನು ಮತ್ತಷ್ಟು ಅನುಮಾನಾಸ್ಪದವಾಗಿಸುತ್ತದೆ . ಈ ಗೌಪ್ಯವಾದ ದಾಖಲೆಯು ಫೇಸ್ಬುಕ್ ಬಳಸುವ ಮಾಹಿತಿ ಸಂಶ್ಲೇಷಣಾ ವಿಧಾನ ಮತ್ತು “ಭವಿಷ್ಯದ ಸೂಚಕ”ಗಳ ಲೆಕ್ಕ ಹಾಕುವ ಮಾದರಿಗಳ ಬಗ್ಗೆ ಒಳ ನೋಟ ನೀಡುತ್ತದೆ . ಈ ಮಾಹಿತಿ ತಂತ್ರಾಂಶಗಳು “ಪ್ರತಿ ದಿವಸ ಟ್ರಿಲಿಯನ್ ಗಟ್ಟಲೆ ಅಂಕಿ ಅಂಶ ಸಂಗ್ರಹಿಸುವ ಬಿಂದುಗಳನ್ನು ಬಳಕೆದಾರರ ಉಪಕರಣಗಳಿಗೆ ಸೇರಿಸಿ ” ನಂತರ “ಆ ಮಾಹಿತಿಗಳನ್ನು ಆ ಕ್ಷಣವೇ ಸಂಶ್ಲೇಶಿಸಿ ಭವಿಷ್ಯದ ಮುನ್ಸೂಚಕಗಳನ್ನು ” ಉತ್ಪಾದಿಸಲು ಬಳಸುತ್ತಾರೆ. ಫೇಸ್ಬುಕ್ ನ ಪ್ರಕಾರ ಈ ಮುನ್ಸೂಚಕಗಳನ್ನು ಉತ್ಪಾದಿಸುವ ವ್ಯವಸ್ಥೆ “ಪ್ರತಿ ಕ್ಷಣ ೬೦ ಲಕ್ಷ ಮುನ್ಸೂಚಕಗಳನ್ನು ಸೃಷ್ಟಿಸುತ್ತದೆ ” ಆದರೆ ಇದು ಯಾರಿಗಾಗಿ ಮಾಡುತ್ತಾರೆ ?
ಈ ವರದಿಯಲ್ಲಿ , ಈ ಅಸಾಮಾನ್ಯ ಸಾಮರ್ಥ್ಯ ವನ್ನು ಸಂಪೂರ್ಣವಾಗಿ ತನ್ನ ಕಾರ್ಪೊರೇಟ್ ಸಂಸ್ಥೆಗಳ “ಮುಖ್ಯ ವ್ಯಾವಹಾರಿಕ ಸ್ಪರ್ಧೆಗಳಿಗೆ ” ಅನುಕೂಲವಾಗುವ ಹಾಗೆ ಅಂತರ್ಜಾಲ ತಾಣಗಳ ವಿಳಾಸದ ಅಂದಾಜಿಗೆ , ವಯಕ್ತಿಕ ಮಟ್ಟದ ಜಾಹಿರಾತುಗಳ ಆಯ್ಕೆಗೆ , ಮತ್ತು ಬಳಕೆದಾರರ ಅಭಿಪ್ರಾಯಗಳನ್ನು ಬದಲಾಯಿಸುವ ಕಡೆಗೆ , ಬಳಸಲಾಗುವುದು ಎಂದು ದಾಖಲಾಗಿದೆ . ಉದಾಹರಣೆಗೆ ಫೇಸ್ ಬುಕ್ ನ ಒಂದು ಸೇವೆಯ ಹೆಸರು “ಬಳಕೆದಾರರ ನಿಷ್ಠೆ ಸೂಚಕ ” , ಮತ್ತು ಈ ಸೇವೆಯ ಪ್ರಕಾರ ಆ ಬಳಕೆದಾರ ಬ್ರಾಂಡ್ ಒಂದರ ಬಗೆಗಿನ ನಿಷ್ಠೆ ಬದಲಾಗುವಂತಿದ್ದರೆ ಅದನ್ನು ಮುಂಚೆಯೇ ಅಂದಾಜು ಮಾಡಿ , ಜಾಹೀರಾತುದಾರರಿಗೆ ತಿಳಿಸುತ್ತದೆ , ಮತ್ತು ಈ ಮಾಹಿತಿಯ ಸಹಾಯದಿಂದ ಆ ವ್ಯಕ್ತಿಯ ನಿಷ್ಠೆ ಮರಳಿ ಜಾಹಿರಾತುದಾರರ ಕಡೆಯೇ ವಾಲುವಂತೆ ಮಾಡಲು ಬೇಕಾದ ಕೊಡುಗೆಗಳನ್ನು , ಅಥವಾ ಸಂದೇಶಗಳನ್ನು ಬಳಕೆದಾರರಿಗೆ ತಲುಪಿಸಲಾಗುತ್ತದೆ.
ಅದೇ ವರ್ಷ ರಾಜಕೀಯ ವಿಶ್ಲೇಷಕ ಸಂಸ್ಥೆ ಕ್ಯಾಂಬ್ರಿಜ್ ಅನಾಲಿಟಿಕಾ ದ ಮಾಜಿ ಉದ್ಯೋಗಿ , ಕ್ರಿಸ್ಟೋಫರ್ ವಯ್ಲಿ , ಒಂದು ಮಹತ್ತರ ಗುಟ್ಟು ರಟ್ಟು ಮಾಡಿದ. “ನಾವು ಫೇಸ್ ಬುಕ್ ಅಂಕಿಅಂಶಗಳ ಸಹಾಯದಿಂದ ಕೋಟ್ಯಂತರ ಬಳಕೆದಾರರ ಮಾಹಿತಿ ಬಳಸಿ, ಅವರ ಬಗೆಗಿನ ಎಲ್ಲ ವಿಷಯಗಳನ್ನು ಬಳಸಿ ಅವರೊಳಗಿನ ಪೈಶಾಚಿಕ ಭಾವನೆಗಳನ್ನು ಹೊರ ಹಾಕುವ ವಿಧಾನಗಳ ರೂಪುರೇಷೆ ಸಿದ್ದ ಮಾಡುತ್ತಿದ್ದೆವು ” . ಮಿಸ್ಟರ್ ವಯ್ಲಿ ಹೇಳುವ ಪ್ರಕಾರ ಇದು “ಮಾಹಿತಿ ಯುದ್ದ ” ಮತ್ತು ಇಂತಹ ನಿಗೂಢವಾಗಿಯೇ ನಡೆಯುವ ಯುದ್ಧಗಳು ನಿಂತಿರುವುದು “ಮಾಹಿತಿ ಅಸಮಾನತೆ”ಯ ಮೇಲೆ ಮತ್ತು ಅದು ನೀಡುವು ಅನಿಯಂತ್ರಿತ ಅಧಿಕಾರದ ಮೇಲೆ . ಬಳಕೆದಾರರಿಗೆ ಮತ್ತು ಕಾನೂನು ನಿರ್ಮಿಸುವವರಿಗೆ ಗೊತ್ತಿರದ ಅಂಶ ಏನೆಂದರೆ , ಈ ಸಂಸ್ಥೆಗಳು ಬಳಕೆದಾರರ ಖಾಸಗೀ ಬದುಕಿನ ಮೇಲೆ ರಹಸ್ಯವಾಗಿ ದಾಳಿ ಮಾಡಿ ಪ್ರತೀ ದಿವಸ ಕೋಟ್ಯಂತರ ಜನರ ಅಂಕಿಅಂಶಗಳನ್ನು ಸಂಗ್ರಹಿಸುತ್ತಿದ್ದಾರೆ ,ಎನ್ನುವುದು . ಕೇಂಬ್ರಿಜ್ ಅನಾಲಿಟಿಕದ ಮಹತ್ತರ ಸಾಧನೆಯೆಂದರೆ , ವ್ಯಾಪಾರಕ್ಕಾಗಿ ಕಲೆ ಹಾಕಿದ ಅಂಕಿ ಅಂಶಗಳನ್ನು ಬಳಸಿ ರಾಜಕೀಯಕ್ಕಾಗಿ ಬಳಸಿಕೊಂಡಿದ್ದು .
ಇನ್ನೊಂದು ರೀತಿ ಹೇಳಬೇಕೆಂದರೆ , ಕೇಂಬ್ರಿಜ್ ಅನಾಲಿಟಿಕ ಸಂಸ್ಥೆ ಒಂದು ಪರಾವಲಂಬಿ ಜೀವಿ , ಮತ್ತು ಬೇಹುಗಾರಿಕಾ ಬಂಡವಾಳಶಾಹಿ ವ್ಯವಸ್ಥೆ ಅದರ ಆತಿಥೇಯ . ಈ ಬಗೆಯ ಮಾಹಿತಿ ಸಂಗ್ರಹದ ಮೇಲಿನ ಸ್ವಾಮ್ಯತೆಯಿಂದ , ಬೇಹುಗಾರಿಕಾ ಬಂಡವಾಳಶಾಹಿ ವ್ಯವಸ್ಥೆ , ಇವರ ಗುರಿಯಾಗಿದ್ದ ಬಳಕೆದಾರರ ಅಂಕಿ ಅಂಶಗಳನ್ನು ಸುಲಭವಾಗಿ ಒದಗಿಸಿತ್ತು , ಮತ್ತು ಈ ವ್ಯವಸ್ಥೆಯ ವಯಕ್ತಿಕ ಮಟ್ಟದ ಗುರಿ ಮತ್ತು ಅಭಿಪ್ರಾಯಗಳನ್ನು ಬದಲಾಯಿಸುವ ತಂತ್ರ ಅವರ ಆಯುಧಗಳಾಗಿ ಬದಲಾಯಿತು . ಮತ್ತು ಬಳಕೆದಾರರ ಬಗೆಗಿನ ಮಾಹಿತಿಯ ಮೇಲೆ ಬೇಹುಗಾರಿಕಾ ಬಂಡವಾಳಶಾಹಿಗಳ ಸಂಸ್ಥೆಗಳಿಗೆ ಇರದ ಯಾವುದೇ ಹೊಣೆಗಾರಿಕೆ ಮತ್ತು ಸೆಕ್ಷನ್ ೨೩೦ ರ ಪ್ರಕಾರ ದೊರಕಿದ್ದ ಸ್ವಾತಂತ್ರ್ಯದ ದುರ್ಬಳಕೆ ಮಾಡಿ , ಬಳಕೆದಾರರ ಒಳಗಿದ್ದ ಪೈಶಾಚಿಕ ಸ್ವಭಾವಗಳನ್ನು ಹೊರತರುವಲ್ಲಿ ಯಶಸ್ವಿಯಾದವು .
ಈ ಬಗೆಯ ಮಾಹಿತಿ ಅಸಮಾನತೆಯೊಂದೇ ಬಳಕೆದಾರರನ್ನು ಕೇಂಬ್ರಿಜ್ ಅನಾಲಿಟಿಕ ದಂತಹ ಸಂಸ್ಥೆಗಳು ಬಳಸಿಕೊಳ್ಳುವ ಹಾಗೆ ಮಾಡಿಲ್ಲ . ಇದಕ್ಕೂ ದೊಡ್ಡದಾದ ಮತ್ತು ಗಂಭೀರವಾದ ಸಮಸ್ಯೆಯೆಂದರೆ , ಈ ಬೇಹುಗಾರಿಕಾ ಬಂಡವಾಳಶಾಹಿಗಳು ಮಾಹಿತಿ ಅಸಮಾನತೆಯನ್ನೇ ನಮ್ಮ ಸಮಾಜದ ಹೊಸ ಬುನಾದಿಯನ್ನಾಗಿ ಮಾಡಿ, ಈ ಮಾಹಿತಿ ಯುದ್ದಗಳನ್ನು ದಿನನಿತ್ಯದ ಬದುಕಿನಲ್ಲಿ ಸಹಜಗೊಳಿಸಿ, ನಾವು ನಮ್ಮ ದಿನನಿತ್ಯದ ಸಾಮೂಹಿಕ ಚಟುವಟಿಕೆಗಳಿಗೆ ಅವಲಂಬಿತವಾಗಿರುವ ವ್ಯವಸ್ಥೆಯನ್ನೇ ತಮ್ಮ ಅನುಕೂಲಕ್ಕೆ ಬಳಸಿಕೊಳ್ಳುತ್ತಿವೆ . ಈ ಸಂಸ್ಥೆಗಳ ಬಳಿ ಮಾಹಿತಿಯಿದೆ , ಬೇಕಾದ ಯಂತ್ರಗಳಿವೆ , ರಹಸ್ಯಗಳಿವೆ ಮತ್ತು ಸುಳ್ಳುಗಳಿವೆ . ನಮ್ಮ ಖಾಸಗಿತನ ಅವರ ಬಳಿ ಇದೆ , ಮತ್ತು ಈ ಮಾಹಿತಿ ದರೋಡೆಕೋರರಿಂದ ನಮ್ಮನ್ನು ಸಂರಕ್ಷಿಕೊಳ್ಳಲು ಯಾವುದೇ ದಾರಿ ಇಲ್ಲದ ಹಾಗೆ ಮಾಡಿವೆ . ಯಾವುದೇ ಕಾನೂನಿನ ಸಹಾಯವಿಲ್ಲದೆ , ನಾವು ನಮ್ಮ ದಿನ ನಿತ್ಯದ ಬದುಕಿನಲ್ಲಿ , ಅಡಗಿ ಕೊಳಲು ಯತ್ನಿಸುತ್ತಿದ್ದೇವೆ ಹಾಗೂ ನಮ್ಮ ಮಕ್ಕಳು ಊಟದ ಸಮಯದಲ್ಲಿ ಎನ್ಕ್ರಿಪ್ಶನ್ ಬಗ್ಗೆ ಚರ್ಚಿಸುತ್ತಿದ್ದಾರೆ , ಮತ್ತು ಪ್ರತಿಭಟನಾಕಾರರು , ನಮ್ಮ ನಮ್ಮ ಕೌಟುಂಬಿಕ ಫೋಟೋಗಳ ಸಹಾಯದಿಂದ ನಿರ್ಮಿತವಾದ “ಮುಖದ ಚಹರೆ ಗುರುತು ಹಿಡಿಯುವ ” ಸಾಫ್ಟ್ ವೇರ್ ಗಳಿಂದ ತಪ್ಪಿಸಿ ಕೊಳ್ಳಲು ಮುಖಕ್ಕೆ ಮಾಸ್ಕ್ ಬಳಸುತ್ತಿದ್ದಾರೆ .
ಯಾವುದೇ ರೀತಿಯ ಮಾಹಿತಿ ಹಕ್ಕುಗಳು ಮತ್ತು ನಿಯಮಗಳು ಇಲ್ಲದಿರುವ ಈ ಸಮಯದಲ್ಲಿ , ಬೇಹುಗಾರಿಕಾ ಬಂಡವಾಳಶಾಹಿಗಳು ನಮ್ಮ ಸಮಾಜವನ್ನು ಮರುಸೃಷ್ಟಿ ಮಾಡಲು ಪ್ರಯತ್ನಿಸುತ್ತಾ , ಪ್ರಜಾಪ್ರಭುತ್ವವನ್ನು ತಲೆಕೆಳಗಾಗಿಸುತ್ತಿವೆ . ಕೆಳಗಿಂದ , ನಿಧಾನವಾಗಿ , ಮನುಷ್ಯನ ಸಾಂಸ್ಥಿಕತೆಯನ್ನು , ಖಾಸಗೀತನವನ್ನು ಆಕ್ರಮಿಸಿಕೊಳ್ಳುತ್ತ , ಸ್ವಾತಂತ್ರ್ಯ ಕಸಿದುಕೊಳ್ಳುತ್ತ , ವ್ಯಕ್ತಿಗಳು ಹೋರಾಟ ಮಾಡದ ಹಾಗೆ ಪರಿಸ್ಥಿತಿ ಸೃಷ್ಟಿಸುತ್ತಿವೆ .ಮೇಲಿನಿಂದ ಹೇರುತ್ತಿರುವ , ಮಾಹಿತಿ ಅಸಮಾನತೆ ಮತ್ತು ಅನ್ಯಾಯ ಮೂಲಭೂತವಾಗಿ ಪ್ರಜಾಪ್ರಭುತ್ವದ ಆಶಯಗಳಿಗೆ ವಿರುದ್ಧವಾಗಿವೆ
ಈ ಬೇಹುಗಾರಿಕಾ ಬಂಡವಾಳಶಾಹಿಗಳು ಕತ್ತಲೆಯಲ್ಲಿ ರಹಸ್ಯವಾಗಿ ಕಾರ್ಯ ನಿರ್ವಹಿಸುತ್ತಾರೆ ಎಂದು ನಮಗೆ ತಿಳಿದಿದೆ , ಆದರೆ ನಮ್ಮಿಂದ ಸಂಗ್ರಹಿಸಿದ ಮಾಹಿತಿಯನ್ನು ಏತಕ್ಕೆ ಬಳಸುತ್ತಾರೆ ನಮಗೆ ಸ್ಪಷ್ಟವಾಗಿ ತಿಳಿದಿಲ್ಲ . ನಮ್ಮ ಬಗ್ಗೆ ತಿಳಿದುಕೊಳ್ಳಲು ಅವರ ಬಳಿ ಎಲ್ಲ ವಿಧಾನಗಳಿವೆ , ಆದರೆ ಅವರ ಬಗ್ಗೆ ತಿಳಿದುಕೊಳ್ಳಲು ನಮ್ಮ ಬಳಿ ಯಾವುದೇ ದಾರಿ ಇಲ್ಲ . ನಮ್ಮ ಬಗೆಗಿನ ಮಾಹಿತಿ , ನಮಗಾಗಿ ಅಲ್ಲ . ಬದಲಾಗಿ ಇನ್ನೊಬ್ಬರ ಲಾಭಕ್ಕಾಗಿ ನಮ್ಮ ಮಾಹಿತಿ ಮಾರಾಟಕ್ಕಿದೆ . ೧೯೯೭ ರ Federal Trade Commission ಭೇಟಿಯ ನಂತರ ಆ ರೇಖೆಯನ್ನು ಎಳೆದೆ ಇಲ್ಲ , ಮತ್ತು ಜನರು ವ್ಯಾಪಾರ ಚರಾಸ್ತಿ ಯಾಗಿ ಬದಲಾಗಿದ್ದಾರೆ . ವಾಸ್ತವದಲ್ಲಿ ಬೇಹುಗಾರಿಕಾ ಬಂಡವಾಳಶಾಹಿಗಳು ಡಿಜಿಟಲ್ ಮಾಧ್ಯಮವನ್ನು ನಮ್ಮಿಂದ ಕಸಿದುಕೊಂಡಿದ್ದಾರೆ ಹಾಗೂ ಅದು ನಾವು ಮೊದಲೇ ಅಂದಾಜು ಮಾಡಿರದ ವಾಸ್ತವವೇನಲ್ಲ
ಅಮೆರಿಕಾದ ಸಂಸದರು ಈ ಹೊಸ ಬಿಕ್ಕಟ್ಟನ್ನು ಎದುರಿಸಲು ಮೀನಮೇಷ ಎಣಿಸುತ್ತಿರುವುದಕ್ಕೆ ಬಹಳಷ್ಟು ಕಾರಣಗಳಿವೆ . ಮುಖ್ಯವಾಗಿ , ಸೆಪ್ಟೆಂಬರ್ ೧೧ರ ಭಯೋತ್ಪಾದಕರ ದಾಳಿಯ ನಂತ್ರ ಸೃಷ್ಟಿಯಾದ ಬೇಹುಗಾರಿಕಾ ವ್ಯವಸ್ಥೆ , ಮತ್ತು ವಯಕ್ತಿಕ ಹಿತಾಸಕ್ತಿ ಯ ಬಗ್ಗೆ ಸರ್ಕಾರದ ಬದಲಾದ ನಿಲುವು ಮತ್ತು “ಎಲ್ಲ ಬಗೆಯ ಮಾಹಿತಿ ಸಂಗ್ರಹಿಸುವ ” ಹಂಬಲ . ರಾಜಕೀಯ ವಲಯದಲ್ಲಿ ಈ ಹೊಸ ಬೇಹುಗಾರಿಕಾ ವ್ಯವಸ್ಥೆ ಒಂದು ಹೊಸ ಭರವಸೆಯಾಗಿ ಕಾಣಲಾಗುತ್ತಿದೆ
ಬೇಹುಗಾರಿಕಾ ಬಂಡವಾಳಶಾಹಿಗಳು ತಮ್ಮನ್ನು ಸಂರಕ್ಷಿಸಿಕೊಳ್ಳಲು , ಸಾಕಷ್ಟು ಪ್ರಭಾವ ಬಳಸಿ , ವಿಧ ವಿಧವಾದ ಪ್ರಚಾರಗಳನು ಬಳಸಿ , ಸಂಸದರನ್ನು ಬೆದರಿಸಿ , ಗೊಂದಲ ಮೂಡಿಸಿ , ಯಾವುದೇ ಕ್ರಮಗಳನ್ನು ಕೈಗೊಳ್ಳದ ಹಾಗೆ ಮಾಡಿದ್ದಾರೆ . ಹಾಗಾಗಿ ಈ ಸಂಸ್ಥೆಗಳು, ಅವು ಮಾಡುವ ಹಾನಿಗೆ ಹೋಲಿಸಿದರೆ ಅತ್ಯಂತ ಕಡಿಮೆ ಪರಿಶೀಲನೆಗೆ ಒಳಪಟ್ಟಿವೆ . ಈ ಎರಡು ಉದಾಹರಣೆಗಳನ್ನೇ ತೆಗೆದುಕೊಳ್ಳಿ
ಮೊದಲನೇ ವಾದ ಎಂದರೆ , ಪ್ರಜಾಪ್ರಭುತ್ವ ವ್ಯವಸ್ಥೆ ಸಮೃದ್ಧಿ ಮತ್ತು ಆವಿಷ್ಕಾರಗಳಿಗೆ ತೊಡಕು . ಈ ಹಿಂದಿನ ಗೂಗಲ್ ಅಧ್ಯಕ್ಷ Eric Schmidt ನ ೨೦೧೧ ಲೇಖನದ ಪ್ರಕಾರ , “ನಾವು ಅಂತರ್ಜಾಲದಿಂದ ನಮ್ಮ ಕೈ ಹೊರ ತೆಗೆದಿದ್ದೇವೆ … ಸರ್ಕಾರಗಳು ಕಾನೂನು ನಿರ್ಮಿಸುವಲ್ಲಿ ತಪ್ಪು ಮಾಡಬಹುದು ಮತ್ತು ಅದರಿಂದಾಗಿ ಇಡೀ ವ್ಯವಸ್ಥೆ ಕುಂಟುತ್ತಾ ಸಾಗುತ್ತದೆ ಎನ್ನುವುದು ನಮಗೆ ಸ್ಪಷ್ಟವಾಗಿ ತಿಳಿದಿದೆ ಮತ್ತು ನಮಗೆ ಇದು ನಿಜಕ್ಕೂ ಆತಂಕಕಾರಿ ವಿಷಯ ” . ಇದೆ ಬಗೆಯ ಯೋಚನಾ ಕ್ರಮ ಈ ಹಿಂದೆ ಬಳಸಿದ್ದವರು “Gilded Age barons”, ಮಾತು ಅವರನ್ನು ಈಗ ನಾವು “ದರೋಡೆಕೋರರು” ಎಂದು ಕರೆಯುತ್ತೇವೆ . ಅವರ ವಾದ ಹೇಗಿತ್ತೆಂದರೆ , ಸಮಾಜಕ್ಕೆ ಯಾವುದೇ ಕಾನೂನು ಬೇಕಾಗಿಲ್ಲ “law of survival of the fittest” “he “laws of capital”ಮತ್ತು “law of supply and demand” ಇಷ್ಟೇ ಸಾಕು ಎಂಬುದಾಗಿತ್ತು
ವಾಸ್ತವದಲ್ಲಿ ಅವರ ವಾದಕ್ಕೆ ವಿರುದ್ಧವಾಗಿ , ಬೇಹುಗಾರಿಕಾ ಬಂಡವಾಳಶಾಹಿ ವ್ಯವಸ್ಥೆ ಯಾವುದೇ ಹೊಸ ಆವಿಷ್ಕಾರ ಮಾಡುವುದಿಲ್ಲ . ಬಹಳ ಆಶಾದಾಯಕವಾದ ಅರ್ಥಶಾಸ್ತ್ರದ ಸಂಶೋಧನೆಯ ಪ್ರಕಾರ , ಸರ್ಕಾರಿ ಮತ್ತು ಪ್ರಜಾಪ್ರಭುತ್ವದ ಸಂಸ್ಥೆಗಳು ಹೊಸ ಆವಿಷ್ಕಾರಗಳಿಗೆ ಸಹಾಯಕವಾಗಿವೆ ಹಾಗೂ ಈ ಹೊಸ ತಂತ್ರಜ್ಞಾನದ ದೈತ್ಯ ಸಂಸ್ಥೆಗಳು ಯಾವುದೇ ಹೊಸ ಅನ್ವೇಷಣೆ ಮಾಡುತ್ತಿಲ್ಲ ಎಂದು . ಈ ಸಂಸ್ಥೆಗಳ ಬಳಿ ಇರುವ ಮಾಹಿತಿ ಯನ್ನು ಇವತ್ತಿನ ಅತಿ ಮುಖ್ಯ ಸಮಸ್ಯೆಗಳಾದ , ಇಂಗಾಲ ರಾಹಿತ್ಯ ಇಂಧನದ ಅನ್ವೇಷಣೆಗಾಗಲಿ , ಹಸಿವಿನ ನಿವಾರಣೆಗಾಗಲಿ , ಕ್ಯಾನ್ಸರ್ ಪರಿಹಾರಕ್ಕಾಗಲಿ , ಸಮುದ್ರದಲ್ಲಿ ತೇಲುತ್ತಿರುವ ಕೋಟ್ಯಂತರ ಟನ್ ಪ್ಲಾಸ್ಟಿಕ್ ಸ್ವಚ್ಛಮಾಡಲಾಗಲಿ, ಅಕಾಡೆಮಿಕ್ , ವೈದ್ಯರನ್ನು ಸೃಷ್ಟಿಮಾಡಲಾಗಲಿ , ಯಾವುದಕ್ಕೂ ಸಹಾಯವಾಗುತ್ತಿಲ್ಲ . ಬದಲಾಗಿ , ಈ ಇಡೀ ವ್ಯವಸ್ಥೆಯನ್ನು ಮುನ್ನಡೆಸುತ್ತಿರುವವರು ಅತ್ಯಂತ ಶ್ರೀಮಂತರಾದ ಜಾಣರು ಮತ್ತು ಈ ಎಲ್ಲ “computational power” ಹಾಗೂ ಎಲ್ಲ ಸಂಪನ್ಮೂಲಗಳೂ ಲಾಭವನ್ನೇ ಗುರಿಯಾಗಿಸಿಕೊಂಡಿರುವ ಅರ್ಥ ವ್ಯವಸ್ಥೆಗಾಗಿ ದುಡಿಸಿಕೊಳ್ಳಲಾಗುತ್ತಿದೆ .
ಎರಡನೆಯ ಬಗೆಯ ವಾದ ಎಂದರೆ , ಈ ಮುಂಚೂಣಿಯಲ್ಲಿರುವ ಬೇಹುಗಾರಿಕಾ ಬಂಡವಾಳಶಾಹಿ ಸಂಸ್ಥೆಗಳ ಗೆಲುವು ಅವರು ಜನರಿಗೆ ಎಷ್ಟು ಉಪಯುಕ್ತವಾಗಿದ್ದಾರೆ ಎನ್ನುವುದರ ದ್ಯೋತಕ . ಆದರೆ ಬೇಡಿಕೆಯ ಬದಿಯಿಂದ ನೋಡಿದರೆ ಈ ಹೊಸ ವ್ಯವಸ್ಥೆ ವಾಸ್ತವದಲ್ಲಿ ಒಂದು ಮಾರುಕಟ್ಟೆಯ ಸೋಲು . ಪೂರೈಕೆ ಮತ್ತು ಬೇಡಿಕೆಯ ನಡುವಿನ ಕಂದರವನ್ನು ಕಡಿಮೆ ಮಾಡದೆ , ಜನರು ತಮ್ಮ ಬಳಿ ಇನ್ನ್ಯಾವುದೇ ಬಗೆಯ ಪರ್ಯಾಯ ವ್ಯವಸ್ಥೆ ಇಲ್ಲದ ಕಾರಣ , ಗ್ರಾಹಕರು ಈ ಬೇಹುಗಾರಿಕಾ ಬಂಡವಾಳಶಾಹಿಗಳ ರಹಸ್ಯ ಚಟುವಟಿಕೆಗಳು ಮತ್ತು ಪರಿಣಾಮಗಳನ್ನು ಅರಿತುಕೊಳ್ಳುವಲ್ಲಿ ಸಾಧ್ಯವಾಗದೆ , ಈ ವ್ಯವಸ್ಥೆಯಯನ್ನು ಬಳಸುತ್ತಿದ್ದಾರೆ . Pew Research Center ಇತ್ತೀಚೆಗೆ ನಡೆಸಿದ ಸಮೀಕ್ಷೆಯ ಪ್ರಕಾರ ೮೧% ಅಮೇರಿಕಾದ ಜನರು ಈ ಕಂಪನಿಗಳು ಸಂಗ್ರಹಿಸುವ ಮಾಹಿತಿಗಳಿಂದಾಗುವ ಅನುಕೂಲಕ್ಕಿಂತ ಅನಾನುಕೂಲವೇ ಹೆಚ್ಚು ಮತ್ತು ಈ ಕಂಪನಿಗಳ ಯಶಸ್ಸು ಅವಲಂಬಿತವಾಗಿರುವುದು ಬಲ ಪ್ರಯೋಗ ಮತ್ತು ಗೊಂದಲಮಯವಾಗಿಸಿಯೇ ಹೊರತು ಜನರ ನಿಜವಾದ ಅವಶ್ಯಕತೆಗಳನ್ನು ಪೂರೈಸಿಯಲ್ಲ ಎಂದು ಹೇಳಿದ್ದಾರೆ
ಇತಿಹಾಸಕಾರ Thomas McCraw ತನ್ನ ಪ್ರಶಸ್ತಿ ವಿಜೇತ ಪುಸ್ತಕ “history of regulation” ದಲ್ಲಿ ಒಂದು ಎಚ್ಚರಿಕೆಯ ಸಂದೇಶ ನೀಡುತ್ತಾನೆ . ಶತಮಾನಗಳಿಂದ “ಕಾನೂನು ನಿರ್ಮಿಸುವವರು ತಾವು ಕಾನೂನು ನಿರ್ಮಿಸುತ್ತಿರುವ ಉದ್ಯಮಕ್ಕೆ ಹೋಲುವ ಹಾಗೆ ಕಾನೂನು ನಿರ್ಮಿಸಲಾಗದೆ ಸೋತಿದ್ದಾರೆ “. ಈಗಿರುವ “privacy and antitrust” ಕಾನೂನುಗಳು ಅತ್ಯಂತ ಅಗತ್ಯ ಆದರೆ ಇವುಗಳಷ್ಟೇ ಇವತ್ತು ಸೃಷ್ಟಿಯಾಗಿರುವ “ಮಾಹಿತಿ ಅಸಮಾನತೆಯನ್ನು ” ಹೋಗಲಾಡಿಸಲು ಸಾಧ್ಯವಿಲ್ಲ .
೨೧ನೇ ಶತಮಾನದ ಈ ಸ್ಪರ್ಧಾ ಪ್ರಪಂಚಕ್ಕೆ ಹೊಸದೇ ಆದ ಕಾನೂನಿನ ಚೌಕಟ್ಟು ಮತ್ತು ಮಾಹಿತಿ ಹಕ್ಕುಗಳು ನಮ್ಮ ಪ್ರಜಾಪ್ರಭುತ್ವದ ಕಾನೂನಿನ ಚೌಕಟ್ಟಿನ ಒಳಗಡೆ ಸೇರಬೇಕು . ಈ ಬಗೆಯ ಹಕ್ಕುಗಳು ಮಾಹಿತಿ ಹಂಚುವ ಮತ್ತು ಹಂಚುವ ಮೊದಲು ಬಳಕೆದಾರರ ಗಮನಕ್ಕೆ ತರುತ್ತವೆ ಹಾಗು ಅವುಗಳ ದುರುಪಯೋಗವನ್ನು ತಡೆಯುತ್ತವೆ . ಒಬ್ಬ ವ್ಯಕ್ತಿಯ ಬದುಕನ್ನು ಅಂಕಿಅಂಶಗಳಾಗಿ ಬದಲಾಯಿಸುವ ಹಕ್ಕು ಸಂಪೂರ್ಣವಾಗಿ ಆ ವ್ಯಕ್ತಿಗೆ ಸೇರಿರಬೇಕಾಗಿದ್ದು ಪ್ರಜಾಪ್ರಭುತ್ವದ ಮೂಲಭೂತ ಲಕ್ಷಣ . ಅದರ ಅರ್ಥ , ಈ ಸಂಸ್ಥೆಗಳು ನಮ್ಮ ಮುಖ ಚಹರೆಯ ಮೇಲೆ ಹಕ್ಕನ್ನು ಹೊಂದಲಾಗುವುದಿಲ್ಲ , ಮತ್ತು ತಮ್ಮ ಲಾಭಕ್ಕಾಗಿ ಅದನ್ನು ಮಾರಿಕೊಳ್ಳುವ ಹಾಗಿಲ್ಲ . ಈ ಮಾಹಿತಿ ಹಕ್ಕುಗಳ ಬಗ್ಗೆ ಚರ್ಚೆ ಈಗಾಗಲೇ ಶುರುವಾಗಿದೆ , ಮತ್ತು “Amnesty International”ನ ವರದಿಯಲ್ಲಿ ಈಗಾಗಲೇ ದಾಖಲಾಗಿದೆ
ಬೇಡಿಕೆಯ ಕಡೆಯಿಂದ , ನಾವು “ಮನುಷ್ಯನ ಭವಿಷ್ಯದ ” ಬಗೆಗಿನ ಮಾರುಕಟ್ಟೆಗಳನ್ನು ಕಾನೂನು ಬಾಹಿರ ಮಾಡಿ , ಇವುಗಳಿಂದ ಉತ್ಪಾದನೆಯಾಗುತ್ತಿರುವ ಹಣಕಾಸು ಲಾಭವನ್ನು ನಿಯಂತ್ರಿಸಬಹುದು . ಇದೇನು ಅಂತಹ ಅಸಾಧ್ಯವಾದ ಬದಲಾವಣೆಯಲ್ಲ . ಉದಾಹರಣೆಗೆ , ಸಮಾಜಗಳು ಮನುಷ್ಯನ ಅಂಗಾಗಳನ್ನು , ಶಿಶುಗಳನ್ನು ಮತ್ತು ಗುಲಾಮರನ್ನು ಮಾರುವುದನ್ನು ಕಾನೂನು ಬಾಹಿರ ಮಾಡಿದ್ದೇವೆ . ಮತ್ತು ಈ ಎಲ್ಲ ಸಂದರ್ಭಗಳಲ್ಲೂ ಸಹ ಇಂತಹ ಮಾರುಕಟ್ಟೆಗಳು ನೈತಿಕವಾಗಿ ಅಸಹ್ಯಕರ ಮತ್ತು ಇಂಥಹವು ನಾವು ಅಂದಾಜಿಸುವ ಹಾಗೆಯೇ ಹಿಂಸಾ ಕೃತ್ಯಗಳಲ್ಲಿ ಕೊನೆಯಾಗುತ್ತವೆ ಎಂದು ನಮಗೆ ತಿಳಿದಿದೆ. ಈ ಮನುಷ್ಯನ ಭವಿಷ್ಯದ ಮಾರುಕಟ್ಟೆಗಳೂ ಕೂಡ ಇಂಥಹಃದೆ ಫಲಿತಾಂಶ ನೀಡಿ ನಮ್ಮ ಪ್ರಜಾಪ್ರಭುತ್ವಕ್ಕೆ ಮಾರಕವಾಗುತ್ತವೆ ಎಂದು ತೋರಿಸಬಹುದು .
ಒಂದು ಸ್ಪರ್ಧಾತ್ಮಕ ಹೊಸ ವ್ಯವಸ್ಥೆಯನ್ನು ಸೃಷ್ಟಿಸಲು , ಕಾನೂನು ನಿಮಾಣಮಾಡುವವರು ಹೊಸ ಬಗೆಯ ಯೋಚನಾಕ್ರಮಗಳನ್ನು ಅಳವಡಿಸಿಕೊಂಡು , ಶತಮಾನಗಳ ಹಿಂದೆ ವ್ಯಕ್ರಿ ಸ್ವಾತಂತ್ರ್ಯದ ಹಕ್ಕುಗಳಿಗೆ ಹೋರಾಡಿದ ಹಾಗೆ , ಸಂಘಟಿತರಾಗಿ ಹೋರಾಡಿ ಈ ಏಕ ಸ್ವಾಮ್ಯತೆ ಸಾಧಿಸರುವ ಬಂಡವಾಳಶಾಹಿ ಸಂಸ್ಥೆಗಳನ್ನು ನಿಯಂತ್ರಿಸಬೇಕು . ನಮ್ಮ ಸಂಸದರು , ಇಂತಹ ಅನಿಯಂತ್ರಿತ ಶಕ್ತಿಗಳ ಬಗ್ಗೆ ಎಚ್ಛೆತ್ತಿರುವ ಜನಗಳ ಜತೆ ಕೈ ಜೋಡಿಸಬೇಕು ಮತ್ತು ಇಂತಹ ಬೇಹುಗಾರಿಕಾ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳ ರಕ್ಷಣೆಗೆ ನಿಲ್ಲಬೇಕು
ಮನುಷ್ಯನಿಂದ ನಿರ್ಮಿತವಾದ ಏನನ್ನಾದರೂ ಮನುಷ್ಯನೇ ನೆಲಗೆಡವಬಹುದು . ಬೇಹುಗಾರಿಕಾ ಬಂಡವಾಳಶಾಹಿ ವ್ಯವಸ್ಥೆ ಇನ್ನೂ ಹೊಸತು , ಕೇವಲ ೨೦ ವರ್ಷ ಹಿಂದಿನದು , ಆದರೆ ಪ್ರಜಾಪ್ರಭುತ್ವ ಹಳೆಯದು , ಹಲವಾರು ತಲೆಮಾರುಗಳ ಭರವಸೆ ಮತ್ತು ಹೋರಾಟದಿಂದ ನಿರ್ಮಿತವಾಗಿರುವುದು
ಬೇಹುಗಾರಿಕಾ ಬಂಡವಾಳ ಶಾಹಿಗಳು ಶ್ರೀಮಂತರು ಮತ್ತು ಶಕ್ತಿಶಾಲಿಗಳು , ಆದರೆ ಅವರಿಗೆ ದುರ್ಬಲತೆಗಳೇ ಇಲ್ಲ ಅನ್ನುವ ಹಾಗೇನಿಲ್ಲ. ಅವರಿಗೂ ಒಂದು ದುರ್ಬಲತೆಯಿದೆ , ಅದೇ ಭಯ . ಅವರಿಗೆ ಕಾನೂನು ನಿರ್ಮಿಸುವವರ ಮೇಲೆ ಭಯವಿದೆ . ಹೊಸ ಸಾಧ್ಯತೆಗಳನ್ನು ಹುಡುಕುತ್ತಿರುವ , ಮತ್ತದೇ ಹಳೆಯ ಪ್ರಶ್ನೆಗಳಾದ ಹೊಸ ಉತ್ತರ ಹುಡುಕುತ್ತಿರುವ ನಾಗರೀಕರ ಬಗ್ಗೆಗೆ ಭಯವಿದೆ , ಯಾರಿಗೆ ತಿಳಿದಿರಬೇಕು ? ಯಾರಿಗೆ ತಿಳಿದಿರಬೇಕು ಎಂದು ನಿರ್ಧರಿಸುವವರು ಯಾರು ? ಯಾರು ನಿರ್ಧರಿಸಬೇಕು ಎಂದು ನಿರ್ಧರಿಸುವವರು ಯಾರು ? ಸಂಗೀತ ಬರೆಯುವವರು ಯಾರು ಮತ್ತು ಆ ಸಂಗೀತಕ್ಕೆ ನರ್ತಿಸುವವರು ಯಾರು ? .
ಪೂರ್ಣ ಲೇಖನವನ್ನು ಪಿಡಿಫ್ ರೂಪದಲ್ಲಿ ಈ ಲಿಂಕ್ ನಿಂದ ಡೌನ್ಲೋಡ್ ಮಾಡಿಕೊಳ್ಳಬಹುದು .
https://ruthumana.com/storage/2020/04/You-Are-Now-Remotely-Controlled-1.pdf
ಕನ್ನಡಕ್ಕೆ: ಮಂಜುನಾಥ್ ಚಾರ್ವಾಕ
ವೃತ್ತಿಯಲ್ಲಿ ಸಾಫ್ಟ್ವೇರ್ ಇಂಜಿನಿಯರ್‌. ವಿಶ್ವದ ಒಳ್ಳೆಯ ಕಥೆಗಳನ್ನು, ಬರಹಗಳನ್ನು ಕನ್ನಡಕ್ಕೆ ತರುವ ತವಕ ಹೊಂದಿರುವ ಮಂಜುನಾಥ್ ಒಳ್ಳೆಯ ಫೋಟೋಗ್ರಾಫರ್ ಕೂಡ.
ಮೂಲ : https://www.nytimes.com/2020/01/24/opinion/sunday/surveillance-capitalism.html
ಹಾರ್ವರ್ಡ್ ಬ್ಯುಸಿನೆಸ್ ಸ್ಕೂಲ್ ನಲ್ಲಿ ಉಪನ್ಯಾಸಕರು. “The Age of Surveillance Capitalism.” ಪುಸ್ತಕದ ಲೇಖಕರು.
ತಮ್ಮ ಸಂವೇದನೆಗಳನ್ನು ಪ್ರಕಟಿಸಲು ಸಾಮಾಜಿಕ ಜಾಲತಾಣ ದಿಂದ ಮಾತ್ರ ಸಾಧ್ಯವೆಂದು ನಂಬಿರುವಾಗ, ಜನರಿಗೆ ತಮ್ಮ ಮಾಹಿತಿ ಲೀಕ್ ಆಗುತ್ತಿರುವ ಬಗ್ಗೆ ಗಮನವಿಲ್ಲ.ಗುಂಪುಗಳಿಗೆ ಮಾತ್ರ ಅವಕಾಶಕೊಡುತ್ತಿರುವ ಎಲ್ಲಾ ರೀತಿಯ ಪತ್ರಿಕೆಗಳ ಕೊಡುಗೆಯೂ ಬಹಳಷ್ಟಿದೆ